Поранешен македонски селектор на клупата на Србија!? – Слободен печат
КошаркаСпорт

Поранешен македонски селектор на клупата на Србија!?

Најдобрите српски кошаркари беа најавувани како едни од главните фаворити за светската титула, на крајот останаа без медал, но и без селектор.

После завршувањето на настапот на Светското првенство во Кина и освојувањето на петтата позиција, селекторската клупа веднаш ја напушти Александар Ѓорѓевиќ после пет поминати години.

Сега српските медиуми шпекулираат кој би можел да биде наследникот на Ѓорѓевиќ, односно новиот селектор на најдобрата српска кошаркарска репрезентација.

На оваа листа се наоѓа и еден поранешен македонски селектор, станува збор за Александар Џикиќ кој од ова лето доби работа во Естудијантес.

Најдобрите резултати ги имаше во Словенија каде што доминираше со екипата на Крка, а воедно беше дел од Беовук, Партизан, Минесота, Олимпија, Литвос Ритас и Будуќност. Со последноспоменатиот тим ја освои АБА лигата и обезбеди историски пласман во Евролигата, а исто така има и трофеј од ФИБА Челинџ купот во 2011 година.

Освен Џикиќ, на оваа листа кандидати за преземање на селекторската клупа на Србија се наоѓаат уште Игор Кокошков на кого му се даваат најголеми шанси, потоа Саша Обрадовиќ, Дејан Милојевиќ, а не се исклучува можноста да биде ангажиран и странец.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close