Александар Ѓорѓевиќ повеќе нема да биде селектор на Србија. Тој ова прво им го соопштил на самите кошаркари и тоа по натпреварот за петтото место кој неговите избраници го добија против Чешка.

Ова е речиси очекуван развој на настаните бидејќи договорот на Ѓорѓевиќ истекуваше по Светското првенство во Кина, на кое амбициите одеа до светската титула но на крајот, српските кошаркари мора да се задоволат со петтото место.

– Да, им кажав на играчите. Тоа е тоа. Немаше разговори за мое останување и не мене останува да се повлечам, знам кога човек треба да се повлече. Си заминувам во моментот кога не успеавме да дојдеме до целта. Не беше лесно, голема благодарност до претседателот на федерацијата, Предраг Даниловиќ, поранешниот претседател Драган Ѓилас кој ме постави за селектор и благодарност со Бодирога. Им благодарам на сите играчи, заедно се издигнавме и многу им должам. Имавме одлична поддршка од сите – изјави Ѓорѓевиќ за пресд конференцијата по натпреварот со Чешка.

Како негов наследник, медиумите го споменуваат асистентот во Сакраменто кингс и човекот кој ја предводеше Словенија до триумф на ЕП 2017 година, Игор Кокошков.