Кокошков нов селектор на Србија?
Кошаркарската репрезентација на Србија не успеа да ги оправда очекувањата на јавноста кај нашиот северен сосед но и на стручњаците, загуби во четвртфиналето и денеска против Чешка ќе игра за петтата позиција.
По завршувањето на Светското првенство, Александар Ѓорѓевиќ ќе биде сменет од селекторската функција, а весникот „Вечерње Новости“ тврди дека негов наследник ќе биде сегашниот асистент во Сакраменто кингс и екс селектор на Словенија со која триумфира на последното ЕП.
„Легедарниот Саша Ѓорѓевиќ планираше да се повлече по Мундобаскетот на кој целта беше златниот медал. Податокот дека репрезентацијата потфрли на СП во Кина, се погласни и се поцврсти се уверувањата дека селекторската функција треба да ја препушти на некој друг“, пишува „Вечерње Новости“.
Ѓорѓевиќ како селектор на Србија сè уште е актуелен европски, светски и олимписки шампион, додека на Евробаскетот во 2015 година тој го освои четвртото место.
Игор Кокошков е првиот тренер странец во НБА лигата и со Словенија триумфира на Евробаскетот во 2017 година. Моментно е асистент во Сакраменто кингс, а минатата сезона беше главен тренер на Феникс санс.