Во координирана акција на полициите во три држави, во Англија, Монако и Белгија, се апсат луѓе и се запленуваат документи поради сомнежи за перење на пари при фудбалски трансфери.

Англиските медиуми открија дека во акцијата се уапсени неименуван менаџер и неговиот асистент, и дека пасењата се поврзани само со трансферот на Митровиќ во Њукасл.

Пред неколку месеци полицијата влезе во просториите на белгискиот гигант Андерлехт и во Белгиската фудбалска федерација од каде ги зеде сите документи поврзани со трансферот од 2015 година на српскиот репрезентативец Александар Митровиќ од Андерлехт во Њукасл. Премиерлигашот плати 18.5 милиони евра обесштетување за Митровиќ.

#BREAKING: Investigators launch football transfer fraud raids in Belgium, Monaco, and London. Two arrested, say prosecutors pic.twitter.com/1MbhKkddUy

— AFP Sport (@AFP_Sport) September 11, 2019

Засега, обвинителите не откриват дали овој случај е поврзан со минатогодинешниот скандал кој избувна во Белгија но и во Источна Европа кога полицијата изврши 57 претреси и уапси неколку лица поради сомневање за перење пари и местење натпревари.