Вчера во Скопје по кратко боледување почина Фарук Омерагиќ кој беше актуелен претседател на Градскиот пливачки сојуз на Скопје, воедно и долгогодишен спортски работник и активист во областа на културата и уметноста.

Омерагиќ (роден 16 февруари 1952 година) беше редок познавач на коњичките спортови и поранешен член на Управниот одбор на таа федерација, а во својата кариера беше и кошаркар.

Тој им помогна на многу македонски пливачки надежи преку Градскиот пливачки сојуз на Скопје.

Исто така беше и истакнат општествен работник и организираше многу манифестации за младите, и еден од основачите на културната манифестација „Скопско лето“. Пред две години објави книга, поезија, „Воздишка“.

Погребот ќе биде на 13 февруари на Градските гробишта во Бутел.