По истрелите во Зубин Поток Србите исплашени, но не се предаваат: Ќе продолжиме со борбата за правда
Жителите на Зубин Поток се исплашени по синоќешните истрели, но се уште како што велат не се откажуваат од своите барања и се подготвени да ја продолжат борбата за правда, објави Новости.
Вучин Кељевиќ од Зубин Поток вели дека рафалните истрели траеле околу 15 минути, а се пукало од ридот над неговата куќа каде е стационирана полициска станица.
Паднал и се повредил, а било прекинато и напојувањето со струја во неговата куќа. Тој е исплашен, бидејќи живее со сопруга и дете.
Припадниците на КФОР утрово вршеле истрага на местото на престрелката.
Исплашени се и останатите жители на Зубин Поток, кои поставија барикади на три локации.
Велат дека и покрај се, стравот, пукањете и притисокот, не се откажуваат од нивните барања, а тоа се ослободување на уапсените Срби и повлекување на специјалците на Курти од северот на Косово.
На барикадите во Газивода, една мештанка рече дека мора да се бори и да бара основни права, наместо да седи дома и да решава задачи со своите деца.
На неколку стотини метри од барикадата има пункт на специјалците на РОС, во правец кон Брњак, па сообраќајот на оваа делница е оневозможен.