Денеска во финалето од ракометниот Куп на Македонија во женска конкуренција составот на ЖРК Металург со 30:27 триумфираше над Ѓорче Петров ЖРК.

Во спортската сала „Јасмин“ во Кавадарци тимот од Автокоманда успеа по петти пат во својата клупска историја да се закити со куп трофејот. Претходните четири куп титули ги освои во 2010, 2011, 2012 и 2013 година.

Најефикасна во редовите на ЖРК Металург беше Ива Младеновска со девет голови, а на спротивната страна Симона Стојановска која исто така запиша девет погодоци.

Младеновска по завршувањето на финалниот меч беше прогласена за МВП (најкорисен играч на турнирот), а воедно ја доби и наградата за најдобар стрелец.

А од победничката екипа признание доби и Амра Илјаз која беше прогласена за најдобар голман.

Вардар пред двојна круна, Талески им го донесе куп трофејот на „црвено-црните“