Пелистер им се врати на „стотките“ во кошаркарската Суперлига
Екипата на Еуро Никел 2005 немаше шанси за успех во Битола, Пелистер, лидерот на табелата, славеше со убедлив резултат 100:83 во салата „Боро Чурлевски“.
Битолчани направија уште едeн чекор напред кон освојувањето на првото место во генералниот пласман во Суперлигата кое носи најголеми привилегии во плеј-офот.
Феноменална прва четвртина одиграа „зелено-белите“ против кавадаречкиот суперлигаш. За 10 минути реализираа дури 33 поени, примија само 18. И тука некаде се најавуваше нов триумф на Пелистер. По подолго време му се врати на оној стар, пред сè, ефикасeн стил на игра, кој е тежок да се брани.
До полувремето таа разлика Пелистер ја направи да изгледа недостижна за противникот. Водеше домашната екипа со 57:36.
Па она второ полувреме протекна во обидите на гостите од Кавадарци таа разлика да ја сведат на пристојна. Навистина ги добија и двете четвртини, но остана впечатокот дека Пелистер и без помошта на Хотон, и вистинска распределба на минутите на долгиот ростер, е подготвен за она трето ниво на натпреварите – доигрувањето за шампионската титула.
По 26 одиграни натпревари, битолчани се на скор 23-3, Еуро Никел 2005 пак го запиша 10 пораз.
ПРВА ЛИГА-МАЖИ
СУПЕРЛИГА – РЕЗУЛТАТИ 4. КОЛО
Пелистер – Еуро Никел 2005 100:83
18.00 часот: МЗТ Скопје Аеродром – Гостивар
19.00 часот: ТФТ – Феникс 2010
ТАБЕЛА: Пелистер 23-3, МЗТ Скопје Аеродром 21-4, Еуро Никел 2005 16-10, Гостивар 14-11, ТФТ 14-11, Феникс 2010 13-12.