Пекинг: Кинеската вакцина против Ковид-19 дава имунитет две недели по првата доза

Фото: EPA

Луѓето кои ќе примат кинеска вакцина против Ковид-19 развиваат имунитет на вирусот во рок од две недели од првата инјекција, изјави Лу Џинжен, шеф на кинеската Национална фармацевтска група (Синофарм).

Во моментов Синофарм ја спроведува третата фаза на меѓународни клинички испитувања на вакцината во Обединетите Арапски Емирати. Се очекува вакцината да се појави на пазарот кон крајот на декември 2020 година.

– Една инјекција ви дава гаранција од 97 отсто заштита, антителата се развиваат бавно. Нормално, нивото на антитела потребни за борба против Ковид-19 ќе се развие во рок од половина месец. Ако примите две инјекции, гарантирана е 100 отсто заштита – тврди Лу.

Според него, интервалот помеѓу првата и втората инјекција е 28 дена, но во специјални случаи може да се примат и двете инјекции во исто време. Шефот на Синофарм увери дека вакцината нема да биде многу скапа.

– Очекуваме една доза да чини неколку стотици јуани. Ако има две инјекции, цената ќе биде околу 1.000 јуани (144 американски долари) – рече Лу.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот