Пејачката и текстописец Реј, која ја напушти својата издавачка куќа за да работи како независен уметник, беше големата победничка на годинешните Британски музички награди, пренесува „Телеграф“.

Реј постави нов рекорд на годишната церемонија со освојување на шест награди, меѓу кои и изведувач на годината, албум на годината за „Мојот блуз од 21 век“ (My 21st Century Blues) и песна на годината за „Escapism“. 26-годишната девојка исто така триумфираше во категоријата најдобра аренби изведба и беше прогласена за најдобар нов изведувач и текстописец, што е најголемото достигнување на британски извдеувач откако наградите беа лансирани во 1977 година.

Пред објавувањето во саботата навечер, рекордот за најмногу Британци во една година беше четири, кој го држеше Адел во 2016 година, Хари Стајлс во 2023 година и „Блур“ во 1995 година.

Тоа е сензационален пресврт за Реј, која во една фаза не можеше да ја убеди нејзината тогашна издавачка куќа да ги објави нејзините песни , принудувајќи ја да ја напушти „Polydor Records“ во декември 2021 година за да работи како независен изведувач.

„Толку сум горда на овој албум. Вљубена сум во музиката. Сè што некогаш сакав беше да бидам уметник и сега сум уметник со албум на годината“, рече во својот говор Реј.

Jungle ја освоија наградата за групата на годината, додека рок групата Bring Me the Horizon победи во категоријата алтернативен/рок изведувач, победувајќи ги Blur и The Rolling Stones. Blur, кои имаа три номинации, си заминаа дома со празни раце. Дуа Липа, која имаше три номинации, победи во категоријата за поп изведба.

Повеќе од половина од овогодинешните номинации беа претставени од жени – или како соло уметници или како дел од женска група. Американската пејачка СЗА победи во категоријата Меѓународен уметник на годината за неутрален пол, која имаше 10 номинирани, победувајќи ги Тејлор Свифт и Мајли Сајрус. Мајли Сајрус ја доби наградата за меѓународна песна на годината за нејзиниот хит „Flowers“.

Инди рок бендот „Boygenius“ ја освои наградата за меѓународна група на годината. Пред доделувањето на наградите, Кајли Миног беше прогласена за годинешна BRIT Global Icon, додека инди рок групата The Last Dinner Party ја доби наградата Rising Star Award.