Со полициски хеликоптер попладнево е во болница пренесен параглајдерист кој паднал на Мечкин Камен кај Крушево, соопшти МВР.

„Денеска (13.08.2025), по добиена дојава од ЦУК за повреден параглајдерист во близина на месноста Мечкин Камен, Крушево, Министерството за внатрешни работи веднаш интервенираше со ангажирање на полициски хеликоптер од Хеликоптерската единица при Одделот за воздухопловни единици, кој претходно учествуваше во акција за гаснење на пожар во реонот на Јасен. Хеликоптерот итно се пренасочи кон локацијата и успешно го пренесе повредениот параглајдерист, кој имаше сериозни телесни повреди и активно крварење, до соодветна здравствена установа на понатамошен лекарски третман“, пишува во полициското соопштение.