Екипата на Брага е последниот патник во осминафиналето во Лигата на Европа откако по подобро изведување на пеналите го елиминира Шериф Тираспол со 3:2. Португалскиот тим во регуларните 90 минути победи со 2:0 и ја анулира негативата од првиот натпревар кој заврши со истиот резултат, но за Шериф.

Брага двата гола ги даде во првото полувреме, прво Медеирош во 17 минута го отвори резултатот, а Хорта во 43 минута зголеми на 2:0. До крајот на регуларниот дел и во продолженијата немаше голови по што победникот мораше да биде решен во пенал рулетот. Во него подобри пеналџии се покажаа играчите на Брага кои реализира три пенали, и со 3:2 обезбедија пласман во осминафиналето.

Во Лигата на Конференции, ПАОК исто така по пенал рулетот обезбеди пласман во осминафиналето. Грчкиот тим во пенал серијата славеше со 5:4, откако во регуларниот дел резултатот беше 2:1 за ПАОК.
Во осминафиналето се пласираа уште и Славија Прага која во двата натпревари против Фенербахче славеше со идентични 3:2, и Витесе кој со победата од 2:0 во реваншот ја надомести негативата од еден гол против Рапид Виена.