Пановски: Пациентите што по вторпат имаат Ковид 19, најверојатно првиот пат не биле болни туку само носители

Тоа што во земјава се појави и третиот пациент што е заразен со коронавирусот по вторпат, откако еднаш се негативизирал, ја наметнува дилемата дали вакцината што ќе се појави, ќе биде долготрајно делотворна, со оглед на тоа што е очигледно дека некои луѓе воопшто немаат антитела, а дури и ако ги имаат не траат долг временски период.

Во кумановската болница пред месец и половина по вторпат од Ковид 19 се заразија две медицински работнички од болницата, иако веќе еднаш го прележале вирусот и се негативизирале. И 46 годишен штипјанец по вторпат е позитивен на корона. Првиот пат болеста ја поминал без симптоми и во јуни имал два негативни бриса. Меѓутоа, два месеца подоцна, тој е хоспиталиран во штипското Инфективно одделение со посериозна клиничка слика, а со вирусот се инфицирал како член на семејство кое има вработени во штипската текстилна индустрија.

Штипјанец кој пред месец и пол бил излечен од Ковид-19, повторно е заразен

Запрашан дали фактот што има пациенти кои и по прележан Ковид повторно се заразуваат, ќе значи и дека ќе треба повеќекратно да се вакцинираме на секои два месеци, директорот на ЦЈЗ Скопје, епидемиологот Александар Стојанов за „Слободен печат“ изјави дека ова е дилема која постои во целиот свет и дека прашањето е многу тешко.

Прочитајте и...  Помпео на средби со Мицотакис и Денедиас во Атина

– Ова е многу тешко прашање, на кое што не можам да одговорам со да или со не, затоа што тоа е дилема во цел свет. Непознаница е дали тоа повторно заразување има ист квалитет како првото заразување, дали е исто заразно како првиот пат, дали е тоа некој заостанат фрагмент и заостанат вирус што дава позитивен резултат или е навистина пациентот болен со симптоми. Може да биде носител а да не е болен човекот. Такви болести има милион. На пример некој може да е носител на салмонела две години а да не пројави болест. Првичните сознанија се дека вакцината ќе се дава на двапати. И СЗО веќе објави дека има скептицизам околу вакцината. Така што мора да ги видиме сите искуства што ќе се случуваат во светот Досега серумските испитувања што се правеа односно скринингот со серумски антитела, не дадоа задоволителен резултат. И ако некои пациенти имаат антитела им траат два до три месеца и потоа ги немаат.Значи можно е болниот да немал антитела створено па затоа пак се заразил, може да се работи и за нова инфекција но дали е нова или заостаната стара не можеме да знаеме. Како и да е, тоа се неповолни вести за правење на вакцината. Многу ќе беше полесно ако по прележаната болест се создаваат трајни антитела, вели Стојанов.

Прочитајте и...  Се урна надвозник близу Москва, над 50 повредени (ВИДЕО)

Професорот Никола Пановски пак посочува дека најверојатно тие што повторно се позитивни на Ковид 19 откако еднаш се негативизирале, првиот пат воопшто не биле болни.

– Треба да се види дали тие првиот пат биле болни. Најверојатно во овие случаи вирусот не се проширил во организмот и не се развил имунитет поради тоа. Или пак, втората опција е првиот наод да им бил лажно позитивен. На 10.000 случаи, дури и да има 50 луѓе што по вторпат се позитивни, тоа не е многу. Најверојатно првиот пат биле болни туку само контаминирани, вели професорот.

Директорот на СЗО Тедрос Гебрејсус пред неколку дена порача дека во моментот нема брзо решение за Ковид 19 иако во последна фаза се неколку вакцини, меѓу кои најветувачка е онаа од Оксфорд.

Прочитајте и...  Кралот на Јордан го распушти Домот на пратеници и нареди да се одржат избори

– Се надеваме дека ќе имаме неколку ефикасни вакцини кои ќе им помогнат на луѓето да не се инфицираат. Сепак, во моментот нема брзо решение и можеби никогаш нема да има. Засега, спречувањето на ширењето се сведува на контролан а болеста, изолација, третирање на пацинетите и карантин за нивните контакти. Правете се од ова, порача тој.

Прочитај повеќе

Кралот на Јордан го распушти Домот на пратеници и нареди да се одржат избори

Слободен печат

„Ако биде потребно ќе бидат повикани резервистите“: Што точно значи воена состојба?

Слободен печат

Лукашенко му возврати на Макрон: Тој требаше да даде оставка пред две години

Слободен печат

Кој е подготвен за судирот меѓу Азербејџан и Ерменија – Едната страна има драстично повеќе војници

Слободен печат

Макрон: Хезболах да разјасни дали е партија или милиција

Слободен печат

Помпео вечерва во посета на Грција, разговарал со Столтенберг за тензиите во источниот Медитеран

Слободен печат

Остави Коментар

Прочитај повеќе

„Света е наш претседател”: Повеќе од 100.000 демонстранти на улиците во Белорусија

Фамилија шеташе на островот Хвар, а набргу ги потопи бран (ВИДЕО)

Слободен печат

Во напад во Нигерија се убиени 18 луѓе, одговорноста ја презема Исламска држава

Слободен печат

Заев и Борисов телефонски разговараа за соработка меѓу двете земји

Слободен печат

Трамп: Бајден треба да се тестира за дрога пред дебатата

Слободен печат

Шахпаска: Родителите на децата до шест години и со продолжено породилно да се вратат на работа

Слободен печат