„Пандевци“ доминираат во шампионатот, триумф и над Ренова
Денеска во првиот натпревар од петтото коло во Првата македонска фудбалска лига, Академија Пандев триуфираше со резултат 2:0 против Ренова.
Против „гипсарите“ на денешната пресметка трите бодови ги обезбедија Марко Рајковиќ во 32 минута и Марио Крстовски непосредно пред самиот финиш на средбата (87.)
В сабота ќе се комплетира петтата рунда, со останатите четири мечеви кои ќе стартуваат од 15.30 часот. Бранителот на титулата Шкендија ќе игра во дербито против Работнички, Вардар е домаќин на Струга Трим Лум.
Потоа, Македонија ЃП ќе се обиде да ја продолжи досегашната серија без пораз сезонава пред своите гледачи против Борец, а Шкупи ќе ги одмери силите против Силекс.
На табелата води Академија Пандев со 13 бодови, осум има Македонија ЃП, по седум имаат Струга Трим Лум, Вардар и Ренова.