Пандемијата на коронавирусот ја зголеми употребата на дрога
Пандемијата на коронавирусот ја зголеми употребата на дрога и истовремено го поттикна нелегалното одгледување афион, со последици што веројатно ќе се чувствуваат „со години”, предупредија денеска Обединетите нации.
„Пазарот на наркотици продолжи брзо по нарушувањето предизвикано на почетокот на пандемијата”, се вели во годишниот извештај на Канцеларијата на ООН за дрога и криминал (УНОДЦ).
Авганистан, кој произведува повеќе од 80 проценти од светскиот опиум, забележа скок од 37 проценти во одгледувањето афион, често единствената опција за заработка на студентите или работниците кои останаа без работа поради коронавирусот.
Во извештајот се наведува дека коронавирусот ги потенцира „нееднаквостите, сиромаштијата и менталните здравствени проблеми низ целиот свет”, кои се фактори кои можат да поттикнат употреба на наркотични средства. Минатата година околу 275 милиони луѓе ширум светот користеле некоја дрога, наспроти 269 милиони во 2018 година.
Повеќето земји пријавија зголемување на употребата на канабис за време на пандемијата, се вели во извештајот, во кој се истакнува дека младите луѓе го доживуваат како помалку опасен за здравјето „и покрај доказите дека носи ризици”.
Употребата на некои фармацевтски производи исто така се зголеми, додека престанокот на ноќниот живот ја намали употребата на кокаин.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот