Романскиот парламент ја собори десноцентристичката влада на премиерот Илие Боложан, откако денеска изгласа недоверба на неговата влада, објави „Политико“.

– Ова гласање за недоверба е лажно, цинично и вештачко. Секоја земја, во мноштво кризи, би се обидела да ги консолидира владите, а не да ги менува – се пожали Боложан за време на тензичната дебата одржана пред гласањето.

Левоцентристичката Социјалдемократска партија (СДП) одигра решавачка улога во успешното гласање за недоверба. Разочарани од строгите политики на штедење во Букурешт, минатиот месец групата се повлече од владата предводена од Националната либерална партија на Боложан и најави дека ќе соработува со крајнодесната „Алијанса за обединување на Романците“ за да го собори премиерот.

Романскиот министер за одбрана поднесе оставка, дал лажни информации во својата биографија

Падот на премиерот Боложан ги стави романските социјалисти во непријатна ситуација поради нивната соработка со крајната десница.

Овој потег, инициран од Џорџе Симион, внесува политичка и економска нестабилност во клучен момент за европските фондови на Романија. Иако Симион бара избори, претседателот Никушор Дан, кој ја гарантира прозападната насока на земјата, очекува консултации за формирање нова влада.

Се разгледуваат опции за технократски кабинет или малцинска влада, со цел да се избегне кризата до редовните избори во 2028 година.

Дали Романија се вмешува во војната со Иран? Букурешт дозволи американски војници и авиони на својата територија