Откриено потеклото на ракот на дојка и на јајчници: Мутацијата на ДНК потекнува од овој остров
Генот за кој се знае дека го зголемува ризикот од рак на дојка и на јајчници е идентификуван кај луѓе со потекло од Оркниските острови во Шкотска, покажуваат резултатите од новата студија.
Новата научна студија сугерира дека еден од 100 луѓе со баба и дедо од тие острови има специфична мутација во генот BRCA1, објави „Би-би-си“.
Студијата исто така открила дека повеќето од нив имаат семејно потекло од островот Вестреј.
Се верува дека тоа е првпат географска врска со предците на овој вид да е направена во Велика Британија.
Истражувачите, исто така, откриле специфична варијанта на генот Оркни во помал број при генетско тестирање низ Велика Британија, па дури и во САД.
Претходните истражувања покажаа дека жените од одредени припадноси, како што се Евреите Ашкенази, исто така имаат високи стапки на специфична варијанта на генот BRCA.
Во Велика Британија, околу 1 од 1.000 луѓе ја имаат мутацијата BRCA1, поради што жените можат да бидат изложени на поголем ризик од рак на јајчници и на дојка.
Гените BRCA ги имаат сите луѓе, и мажи и жени, но кога ќе се случи грешка во еден ген, тоа може да доведе до оштетување на ДНК, како и до тоа клетките да станат канцерогени.
Луѓето со генетската варијанта имаат 50 отсто шанси да ја пренесат на своите деца.