Ако барате едноставен, впечатлив и превкусен десерт без печење, овој колач со јагоди е вистински погодок, пишува „Пун куфер“.

Овој популарен американски десерт е варијација на ладна торта со јагоди – слоеви бисквити, лесен крем од сирење и освежителен фил со јагоди создаваат совршен баланс меѓу слатко и свежо.

Идеален е за родендени, дружби и топли денови, а неговата предност е што може да се подготви и до три дена однапред.

Потребни состојки

• 85 г желе од јагоди во прав
• 240 мл врела вода
• 840 мл слатка павлака за шлаг
• 120 г шеќер во прав
• 1 лажичка екстракт од ванила (по желба)
• околу 400 г бисквити тип „пети бер“
• 225 г крем сирење
• 60 мл кисела павлака
• 225 г свежи јагоди, исечкани
• дополнително јагоди за декорација

Подготовка

Во поголем сад измешајте го желето со врелата вода и мешајте додека целосно не се растопи. Оставете да се излади околу 5 минути, па додадете 60 мл слатка павлака. Ставете во фрижидер околу 30 минути, додека смесата малку не се згусне.

Во друг сад изматете ја преостанатата слатка павлака со шеќерот во прав и ванилата. Матете прво на помала, а потоа на поголема брзина додека не добиете цврст шлаг.

Калап со димензии околу 20 x 20 см обложете го со хартија за печење. На дното наредете слој бисквити, по потреба кршејќи ги за да ја покријат целата површина.

Изматете ги крем сирењето и киселата павлака додека смесата не стане мазна. Рачно вмешајте околу 480 мл од подготвениот шлаг. Половина од кремот распоредете врз бисквитите.

Во желето додадете околу 480 мл шлаг и исечканите јагоди, па половина од оваа смеса нанесете ја врз кремот од сирење.

Повторете го редоследот: бисквити, крем од сирење, фил со јагоди.

Одозгора премачкајте со преостанатиот шлаг и израмнете. Колачот ставете го во фрижидер најмалку 4 часа за добро да се стегне.

Пред сервирање украсете со свежи јагоди и, по желба, со издробени бисквити.