Остануваат полицискиот час и ограничувачките мерки во Албанија, можност и за викенд карантин

epa08281791 Albanian police stands behind a fence in the infected section in the center hospital in Tirana, Albania, 09 March 2020. Albanian authorities have secured the infection section and closed every social activities in the country after they discovered the first two cases of patients infected with Covid-19. EPA-EFE/Malton Dibra

Комитетот на експерти за справување со пандемијата со Ковид-19 информираше дека во Албанија продолжуваат без определен рок ограничувачките мерки за спречување на понатамошното ширење на опасниот вирус.

-Останува забраната за собири со повеќе од 10 лица на отворени и затворени места, забраната за партиски состаноци,собири и митинзи. Забрана за конференции, празнични церемонии, свадбени церемонии и настани, како и погреби надвор од семејството.Овие забрани ќе важат до следна наредба, информираше Комитетот.

И понатаму останува во сила одлуката за полициски час од 22:00 до 6:00 часот, освен за службите за итни потреби и медиумите, останува и ограниената работа на угостителските објекти освен за деливери услуги.

Полицискиот час беше воведен на 11 ноември за период од три недели, но поради влошената епидемиолошка состојба тој продолжува и натаму.

Наставата во универзитетите и работата на администрацијата ќе продолжи онлајн, како и комбинираната настава во основното и средното образование.

На прашањето дали се предвидува карантин за време на викендот, претседателката на комитетот и заменик министерка за здравство и социјална заштита, Мира Рајкацоли рече дека за воведување таква мерка не е разговарано но не ја отфрли можноста за тоа доколку се влоши состојбата.

-Ова не е споменато во денешната одлука. Она што го кажавме останува. Ако има други влошувања на епидемиолошката состојба во следните мерки може да биде ова, може да биде друго. Но, оваа мерка не беше дискутирана, рече Ракацоли.

Вчера во Албанија беше регистрана рекорна бројка на новозаразени ,односно 832 лица што е 38 отсто од тестираните. Во исто време 535 ја добија битката со опасниот вирус, додека починаа 12 лица сите во болнички услови. Во четирите ковид болници беа хопситализирани 506 пациенти.

Извор.МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот