Домаќинките веќе почнуваат со подготвување на менито за празничната трпеза. Едно од омилените јадења за време на празничните денови се разновидните крем-салати. Една од најпопуларните е празничната крем-салата, која е многу богата, калорична, но и многу вкусна. Сепак, за празничните денови секој сака малку да се опушти и да ужива во добра храна со најсаканите.

Состојки:

– 8 големи компири
– 4 јајца
– 1 лажица сенф
– 300 мл мајонез
– 2 лажички сол
– 250 г сечкан целер
– 250 г сечкани маслинки

Начин на подготовка:

Измијте ги и излупете ги компирите. Потоа исечкајте ги на коцки и сварете ги. Сварете ги јајцата, а потоа исечкајте ги. Во еден сад измешајте ги сенфот, мајонезот и солта. Потоа додајте ги во сварените компири заедно со целерот, маслинките и јајцата. Оставете да се излади во фрижидер, а потоа сервирајте.

Добар апетит!