Олимписките игри во Токио требаше да се одржат оваа година, но во март беше донесена одлука да се одложат за наредната поради пандемијата на коронавирусот.

Интернационалниот олимписки комитет пред неколку дена објави дека Игрите во Токио ќе бидат одржани „со или без коронавирусот“, а со тој став се согласува и јапонската влада.

– Сите кои се вклучени во организацијата работат заедно за се да биде подготвено, додека спортистите вложуваат големи напори за идната година. Мораме да ги организираме Игрите по секоја цена. Ќе вложиме огромни напори на мерки за заштита против коронавирусот – изјави Хашимото.

Организаторот разгледува преку повеќе од 200 предлози и сценарија како е најдобро да се избори со пандемијата на коронавирусот, вклучувајќи и олабавување на мерките за патување на спортистите, за олабавување на мерките во Олимпиското село, но и како треба да се однесуваат гледачите на трибините.

Извршниот директор на Олимписките игри, Тоширо Муто веќе најави дека најголемиот спортски настан нема да биде грандиозен поради коронавирусот.