Српската тенисерка Олга Даниловиќ обезбеди пласман во второто коло на Австралија опен, откако во вистински трилер ја совлада легендарната Венус Вилијамс со 2-1 во сетови (6-7, 6-3, 6-4).

Иако на хартија важеше за фаворит, Даниловиќ се најде во сериозни проблеми. Американката подобро го започна мечот и го освои првиот сет, а во решавачкиот дел имаше и убедливо водство од 4-0, по што изгледаше дека српската тенисерка е на чекор до елиминација. Сепак, следеше неверојатен пресврт, Даниловиќ нанижа шест гема по ред и го комплетираше камбекот. Клучниот момент се случи при резултат 4-4, кога по маратонски гем со дури 21 поен ја искористи третата брејк-топка и го насочи мечот во своја корист.

За Венус Вилијамс, која на 45 години повторно заигра во Мелбурн по пауза од шест сезони, овој настап може да има и симболично значење. Со оглед на возраста и долгите паузи, не е исклучено Австралија опен да беше нејзин последен настап на големата сцена.

Aлкараз без проблеми, со сигурна победа го почна Австралија опен