Со денешните мечеви официјално започна првиот грен-слем во сезоната, Австралија опен, а меѓу првите што се појавија на терените беше и еден од главните фаворити за титулата, првиот носител Карлос Алкараз. Шпанскиот ас без поголеми тешкотии ја мина почетната пречка, совладувајќи го домашниот тенисер Адам Волтон.

Алкараз сигурно го освои првиот сет со 6-3, додека во вториот Волтон успеа да парира и да го одведе сетот во тајбрејк. Сепак, кога беше најпотребно, Шпанецот го подигна ритамот и убедливо славеше со 7-2, поведувајќи со 2-0 во сетови. Во третиот сет фаворитот целосно доминираше и со 6-2 ја завери победата.

Во второто коло Алкараз ќе се соочи со Германецот Јаник Ханфман, кој претходно со 3-1 во сетови го елиминираше Американецот Свајда.

Настап на првиот ден имаше и третиот носител, Александар Зверев. Германскиот тенисер по малку неизвесен старт, го совлада Канаѓанецот Габриел Диало со 3-1. Диало го освои првиот сет по тајбрејк, но потоа Зверев целосно ја презеде контролата и со сигурна игра ги доби следните три сета со 6-1, 6-4 и 6-2, обезбедувајќи пласман во следната рунда.