Официјално: Захов го продолжи договорот со Шкендија

фото: kfshkendija.com

Денеска како што објавуваат од есенскиот шампион, продолжена е соработката со голманот Костадин Захов.

Овој чувар на мрежата одлучи да ги брани боите на Шкендија после новиот потпис до 2023 година.

– Среќен сум што ќе продолжам да го претставувам овој дрес каде јас ги остварив најголемите успеси во мојата кариера. Шкендија ми даде многу, но јас верувам дека возвратив на истиот начин, и новиот договор покажува дека двете страни се задоволни од соработката. Со ентузијазам кон нови успеси – рече Захов по потпишувањето на договорот.

Голманот досега запиша 176 официјални настапи за тетовските „црвено-црни“, 137 во Првата македонска лига, девет во националниот Куп и уште 30 во европските купови.

Потсетување дека претходно клубот го напушти Валох Ахмеди кој се пресели во Белорусија.

ФОТО: Ахмеди ја напушти Шкендија, ќе игра за белорускиот шампион

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот