Официјално: Арбен Тафа ново засилување за Беласица
Арбен Тафа е второто летно засилување на фудбалскиот клуб Беласица. Искусниот одбранбен играч во струмичката екипа доаѓа од редовите на ФК Струга Трим-Лум, а во минатото има настапувано и за екипите на ФК Хоризонт Турново и ФК Влазерими 77.
– Среќен сум што Арбен го прифати нашиот повик да биде дел од ФК Беласица. Знаејќи го неговиот квалитет, но и одличен карактер, сигурен сум дека ќе биде огромно засилување за нашата одбрана. Му посакувам успешни настапи во плаво белиот дрес – изјави шефот на стручниот штаб, Ване Милков.
По потпишувањето на договорот и официјалната презентација, Тафа се изјасни околу неговиот трансфер во ФК Беласица.
– Пресреќен сум што потпишувам за клуб каков што е ФК Беласица и се надевам дека заедно ќе изградиме уште поголеми успеси и ќе ја збогатиме клупската историја – рече Тафа.
Претходно како прв трансфер за новата сезона за промовираше бразилскиот играч за врска, Робсон Да Силва кој дојде од Македонија ЃП, а Шефи Арифовски е нов член на стручниот штаб.