Ливерпул попладнево го потврди трансферот на Федерико Киеза кој пристигна од Јувентус и потпиа договор на четири години. Киеза ќе биде осмиот Италијанец кој ќе го носи дресот на англискиот гигант.

Тијаго Мота јасно стави до знаење од неговото доаѓање во клубот дека нема да смета на неговите услуги, па Киеза беше приморан да побара нов ангажман. Се поврзуваше со Барселона, но на крајот Ливерпул беше посериозен.

За неговите услуги „црвените“ на италијанскиот гигант ќе му платат сума од 15 милиони евра.

„Кога ја добив понудата од Ливерпул не размислував многу. Доаѓам во клуб со голема историја и фантастични навивачи“, изјави Киеза.

Од доаѓањето на Арне Слот, Киеза е второ засилување по голманот Мамарадшвили кој потпиша договор со Ливерпул, но остана во Валенсија на позајмица.

We are delighted to announce that we have reached an agreement with Juventus for the transfer of Federico Chiesa, subject to international clearance. ?? #BenvenutoFederico

— Liverpool FC (@LFC) August 29, 2024

Пред Киеза дресот на Ливерпул го носеа само уште седум италијански фудбалери и тоа: Даниел Падели, Пепе Реина, Габриел Палета, Фабио Борини, Алберто Аквилни, Андреа Досена и Марио Балотели.