Еден од најдобрите македонски кошаркари Ненад Димитријевиќ денеска беше промовиран како нов играч на шпанскиот клуб Валенсија.

23-годишниот плејмејкер кој досега ги бранеше боите на Хувентуд Бадалона, официјално потпиша договор со Валенсија кој ќе трае до 30 јуни 2025 година.

Минатата сезона имаше просек од 10,6 поени, 1,5 скок и 3,6 асистенции во шпанската Ендеса лига, а во Еврокупот имаше 12,9 поени, 1,6 скок и 3,6 асистенции.

– Му се заблагодарувам на клубот кој ми даде четиригодишен договор. Ова е посебен момент и сакам да возвратам на таа доверба. Ќе се обидам да се развивам како играч и му помогнам на клубот да расте уште повеќе. Јас сум тука да помогнам да остваруваме победи. Да триумфираме на натпреварите, освојуваме важни титули и ги натераме навивачите да уживаат – рече Димитријевиќ.

Оваа сезона освен во најсилното шпанско првенство, Димитријевиќ исто така се очекува да игра и во Еврокупот, каде што Валенсија се наоѓа во групата „Б“ заедно со Промитеас (Грција), Гран Канарија (Шпанија), Будуќност (Црна Гора), Виртус Болоња (Италија), Цедевија Олимпија (Словенија), Бург (Франција), Ратиофарм Улм (Германија), Бурсаспор (Турција) и Рејер Венеција (Италија).

🧡💪 ¡BIENVENIDO, NENO!@Neno_D7

Cas 👉 Neno Dimitrijevic, presentado en L’Alqueria del Basket de la mano de @bthetravelbrandhttps://t.co/8TH9OGEvgt

Val 👉 https://t.co/y2aeUxHr6e

Eng 👉 https://t.co/ewhxmPuHPw#EActíVate pic.twitter.com/6XldpGROvW

— Valencia Basket Club (@valenciabasket) August 26, 2021