Официјално: Бобан Николов е нов фудбалер на романскиот клуб ФЦСБ
Уште од претходно газдата на романскиот фудбалски клуб, Џиџи Бекали, потврди дека е постигнат договор со македонскиот фудбалер од средниот ред.
Денеска романскиот вицешампион ФЦСБ и официјално ја информираше јавноста дека нов фудбалер на клубот е 28-годишниот Бобан Николов.
Нашиот играч веќе го потпиша договорот и го имаше првиот тренинг за екипата предводена од тренерот Николае Дика. Клубот му посака добредојде и што повеќе успеси во „црвено-синиот“ дрес.
ФСЦБ не ги објави деталите од договорот, но како што откри првиот човек на клубот, Бекали, договорот е на една година со можност истиот да биде продолжен на уште две години.
Беше дел од Вииторул, Вардар, Фехервар, Лече, а последен клуб му беше молдавскиот Шериф Тираспол во чиј дрес имаше 22 настапи и запиша четири голови, еден во групите на Лигата на шампионите.
Потсетување дека поради фактот што три месеци немаше клуб, не се најде во составот на македонската А репрезентација кај селекторот Благоја Милевски за претстојните натпревари во Лигата на нации против Грузија и Бугарија.
Од понеделник започнува продажбата на билети за мечот Македонија – Бугарија
