Џиџи Бекали потврди дека е постигнат договор со Бобан Николов
Во текот на вчерашниот ден романските медиуми најавија дека Бобан Николов од следната сезона ќе ги брани боите на романскиот клуб ФЦСБ, поранешна Стеауа.
Денеска сопственикот на клубот, Џиџи Бекали го потврди трансферот на македонскиот репрезентативец во редовите на ФЦСБ.
Финансиерот на „црвено-сините“ вели дека нашиот 28-годишен играч од средниот ред ќе има важечки договор од една година со можност истиот да биде продолжен на уште две години.
– Го ангажиравме Николов, да видиме како со него ќе се движи тимот. Овој период сум во потрага по играч од средниот ред кој ќе диригира – изјави Бекали за „Про Арена“.
Проценет на 700.000 илјади евра (според „Трансфермаркт“) ќе се бори за стартно место покрај Дариус Олару, Разван Оаида и Марко Дулка.
ФЦСБ по две кола во групата „Б“ од Лигата на конференции има учинок од едно реми и пораз. На табелата води Вест хем со шест бодови, пред Андерлехт кој има четири, ФЦСБ е трет со еден бод, а на дното е данскиот Силкеборг (0).