Иако била позната по својата ситна фигура и кружеле гласини дека има пореметување во исхраната, тоа не било вистина. Одри никогаш не поддржувала диети, а како што еднаш изјавил нејзиниот син Лука, обожавала италијанска храна, јадела многу тестенини, но не сакала месо.

Исхраната на Одри била едноставна и здрава. За појадок јадела леб со цели зрна и мармалад, за ручек месо или тестенини со свеж зеленчук од својата градина, а за вечера најчесто уживала во пилешка супа со зеленчук.

Нејзиниот партнер Роберт Волтерс изјавил дека по вечерата скоро секогаш јадела малку чоколадо, и пиела една чаша виски.

Омилено јадење ѝ биле шпагети со домати, кои скоро секоја недела ги подготвувала дома, а еве го нејзиниот рецепт.

Состојки:
450 гр шпагети
1 мал кромид
2 чешниња лук
2 моркови
2 стебленца целер
500 гр свежи домати
1 лажичка свеж босилек
2 лажички маслиново масло
сол по желба
рендан кашкавал

Подготовка:
Во големо тенџере на малку маслиново масло пропржете го лукот, кромидот, морковот, целерот и доматите. Сосот треба да се вари 45 минути со повремено мешање.

Додека сосот се вари, наполнете друго тенџере со вода и кога водата ќе проврие додајте ги шпагетите и сол по желба.

Послужете ги шпагетите со сосот, кашкавалот и свежиот босилек.