Игор Стефановски – Иџе откако на првата трка во саботата го освои третото место, денеска беше второпласиран на втората трка.

Стефановски ја обезбеди втората позиција откако стјуардите го санкционираа Џаколо Гуидети кој во „нападот“ на второто место во самиот финиш имаше контакт со задниот дел од возилото на Иџе и му попречи на нашиот натпреварувач соодветно да влезе во свиокот.

Наместо Гуидети да биде санкциониран со пет секунди, судиите донесоа одлука само да бидат вратени позициите, односно Иџе заврши како втор, а Гуидети како трет.

Салваторе Тавано е победник на неделната трка и ја зголеми предноста во генералниот пласман, така што моментно има 132 поени, пред Пелегрини (100) и Греко (91).

Остануваат да се одржат трките во Валеунга и Монца.