Кошаркарите во НБА ќе ја добијат можност да го променат своето име на дресовите со пораки поврзани со социјалната правда по рестартирањето на сезоната во Орландо. изјави новинарот на „Атлетик” – Шамс Шаранија.

Според новинарот на „Атлетик“, Шамс Шаранија раководството на НБА и Здружението на играчи ги испратија деталите за планот и воедно ја споделиле ваквата идеја со официјалниот снабдувач на екипите – „Најк”.

Доколку во Орландо се појави корона – ја прекинуваме сезоната

– Се обидуваме да фрлиме светлина врз различните проблеми поврзани со социјалната правда за кои момчињата во Лигата продолжуваат да зборуваат секој ден. Луѓето велат дека кога ќе дојдеме во Орландо, нема да се грижиме за социјална правда. Со овој потег, тоа нема да биде така – рече Крис Пол, претседател на Здружението на играчи.

Како што веќе е познато, рестартирањето на сезоната е закажано за утрото на 31 јули со натпревар помеѓу Јута Џез и Њу Орлеанс Пеликанс во 00:30 часот по македонско време. Од 03:00 часот е дербито на Лос Анџелес – Лејкерс против Клиперси.