– Сите знаци се како од упатство за терористи – рече Милер на брифингот во седиштето на полицијата во Менхетн.

Во меѓувреме ФБИ го преиспитува случајот за да утврди дали треба да поднесе федерални обвиненија.

Членовите на семејството на Чамовиќ рекоа за Пост дека тој е побожен муслиман, но и дека е „апсолутно против терористи“.

Чамовиќ овој месец отворил Твитер профил и лајкувал 24 твитови на луѓе кои изразувале антиполициски ставови.

Чамовиќ, кој живее со семејството во Шипсхед беј, налетал на група полицајци и на еден му забил нож во врат нешто пред полноќ во средата вечер во авенијата Флетбуш, соопшти полицијата.

– Претходно оваа недела, еден од нашите службеници е избоден со нож во врат без предупредување додека ги штител Њујорчаните. Ова не била случајна средба – било тоа планиран обид за убиствот на полицаец од њујоршката полиција. Само чиста среќа го спаси за да нема драстично поинаков исход, наведе полицијата.

Осомничениот Чамовиќ наводно нема досие, но единицата за истражување на тероризам претпоставува дека е поврзан со ИСИС или со друга терористичка група.

Во судирот се повредени уште двајца полицајци, па сите тројца завршија во болница.

Чамовиќ, кој заедно со семејството емигрирал од Босна, тешко е повреден во судирот со полицијата и сега е во критична состојба. Полицијата допрва треба да го сослуша, зошто е интубиран во болница. Њујорк Пост наведува дека се очекува против него да бидат покренати три обвиненија за  за обид за убиство.