Нови контроверзи по смртта на Марадона, уште еден сведок фатен во лага

Нови контроверзи за смртта на легендарниот фудбалер/Фото: EPA-EFE/Demian Alday Estevez

Веднаш по смртта на Диего Марадона, аргентинското обвинителство отвори истрата и досега најде низа пропусти во лекувањето на легендарниот фудбалер.

Прво неговиот личен лекар беше на распит кај обвинител, а притоа му беше запленета целата документација како и компјутерите, а сега на ред дојде и возачот.

Полицијата врши претрес во канцелариите на личниот лекар на Марадона/EPA-EFE/Enrique Garcia Medina

Станува збор за Максимилијан Тримаки (44) кој сведочеше дека не бил во куќата кога починал Марадона, но безбедносните камери и податоците од мобилните теледони покажуваат поинаку.

Утврдено е дека Тримаки лажел и засега не се знае зашто го сторил тоа, иако неговата работа не е само да биде личен возач за Марадона. Тој исто така бил и сметководител на братот на славниот фудбалер и во исто време се грижил за неколку негови бизниси.

Поради лажниот исказ, извршен е претрес во неговиот стан и се одземени телефоните и компјутерот бидејќи е приметен на безбедносните камери дека неколку пати доаѓал во куќата на Марадона.

Претходно беше утврдено дека лажела и медицинската сестра која го оставила Марадона неколку часа без надзор.

Се зголемува бројот на осомничени за смртта на Марадона, и психијатарот на распит

Обвинителството исто така запленило шест компјутери и таблети на сите лекари кои се грижеле за здравјето на „Ел Пибе“.

– Ќе ги бараме сите досиеја, документи, имејлови кои се однесуваат на лекарскиот третман на Марадона за да ги споредиме доказите кои ги добивме од мобилните телефони – изјави еден од обвинителите кои работат на случајот.

„Оле“: Условите во домот на Марадона не биле соодветни, тој не заслужи вакво нешто!

Чудни пораки на ќерката на Марадона и докторот: Татко ми повраќаше и одбива лекари! Тој е добро и бара приватност

Марадона пред смртта се исповедал пред свештеник: Барал прошка за бурниот живот

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот