Последната вест за Марадона доаѓа од Аргентина каде свештеникот Густаво Рубио ги откри деталите од последната средба со славниот фудбалер во септември 2019 година.

Средбата се случила откако Марадона се согласи да седне на клупата на Гимназија Ла Плара и поради тоа сакал да разговара со свештеникот во кого имал голема доверба.

Средбата била во срквата „Марија Ауксиладора“, а деталите од разговорот на медиумите им ги откри свештеникот.

– Диего бараше благослов од мене. Ми рече дека сака само мир и поради тоа ја презеде клупата на Гимназија Ла Плата. Ме зачуди зашто сакаше да зборува со свештеник. Се молеше Бог да му прости за бурниот живот – открива Рубио.

Марадона во првата сезона успеа да ја спаси Гимназија Ла Плата од испаѓање од најсилната аргентинска лига, но во последните месеци му се влоши здравствената состојба. На почетокот од ноември беше опериран поради хематом на мозокот, а почина на 26. ноември во својот дом.

– Ми рече дека неговата мајка Тота поминувала низ тешки моменти и затоа се свртела кон верата и во неа ја пронаоѓала силата. Марадона тогаш рече: „од сега ќе биде се како што ќе нареди Бог“. Доста ми беа глупости во животот поради кои сега жалам. Сепак направив и некои добри работи“.
Ме импресионираа неговите зборови бидејќи ги сфати грешките кои ги направил. Исто така ми рече дека е убеден оти не треба да биде идол на никого – додава Рубио.