Трагичната сообраќајна несреќа во која животот го загубија двајца блиски пријатели на познатиот боксер Ентони Џошуа и натаму е во фокусот на светските медиуми, а во јавноста излегуваат нови информации за кобниот настан.

Како што пренесува „Дејли мејл“, Џошуа првично се наоѓал на совозачкото седиште, но по кратко време возачот Аденијени Кајоде побарал од него да се премести назад бидејќи му го попречувал видното поле.

По таа промена, Џошуа седнал на задното седиште, додека неговото место напред го зазел Латиф Ајоделе. Во несреќата, боксерот поминал со повреди, но за жал Ајоделе и Син Гами, кој седел на другото задно седиште, ги загубија животите.

Пред судот, Кајоде изјавил дека не се чувствува одговорен за трагедијата, посочувајќи дека несреќата се случила поради дефект на сопирачките непосредно пред ударот во камионот кој бил паркиран.

Преземено од: Спорт.ком.мк