Сите федерални агенти кои се под Министерството за внатрешна безбедност наскоро ќе бидат опремени со „боди камери“, прво во Минеаполис, а потоа и низ остатокот од САД, објави вчера министерката за внатрешна безбедност Кристи Ноем, потег што исполнува едно од барањата на демократите за ставање крај на делумната фискална парализа на федералната влада, пренесува Њујорк тајмс.

По смртта на втор демонстрант против масовните апсења на имигранти во Минеаполис од страна на федералните агенти, САД минатата недела влегоа во состојба на фискална парализа, а демократите во Конгресот бараа реформи во начинот на кој работат агенциите за спроведување на законот со цел да го одобрат буџетот на одделот.

Меѓу другото, тие бараат федералните службеници да носат камери на телото кога се на должност, да им се забрани покривање на лицата и да имаат налог пред да биде уапсен кој било имигрант.

„Тукушто разговарав со Том Хоман и раководителите на Службата за имиграција и царина (ИЦЕ) и Граничната патрола (ЦБП)“, рече секретарката Ноем преку Икс, додека Хоман, избраниот „цар на границите“ задолжен за надгледување на политиката на масовни депортации на имигранти, беше испратен од претседателот Доналд Трамп во американската северна метропола како дел од напорите за враќање на редот и мирот.

I just spoke with @RealTomHoman @ICEDirector @CBPCommissioner. Effective immediately we are deploying body cameras to every officer in the field in Minneapolis.

As funding is available, the body camera program will be expanded nationwide. We will rapidly acquire and deploy body…

— Secretary Kristi Noem (@Sec_Noem) February 2, 2026

„Веднаш дистрибуираме боди камери до сите агенти на терен во Минеаполис. Откако ќе бидат достапни средства, програмата за боди камери ќе се прошири низ целата земја“, напиша министерката, уверувајќи дека програмата ќе се спроведе „брзо“ во остатокот од земјата.

Опишувајќи ја сегашната влада како „најтранспарентна“ во американската „историја“, таа не пропушти да му се „заблагодари“ на претседателот Трамп.

Минеаполис е сè уште во шок по смртта на медицинската сестра Алекс Прити на 24 јануари, неколку недели по смртта на Рене Гуд на 7 јануари, од куршуми од федерални полицајци.

Идентификувани агентите кои го убија Алекс Прети