Непредвидени ситуации го одложија стартот на Првата лига
Почетокот на домашното првенство во Првата лига во машка сениорска конкуренција за сезоната 2019/2020 е одложен, информираат од македонската кошаркарска федерација.
Иако беше предвидено натпреварувањата во сениорската вофзрасна категорија – машка конкуренција да започнат во претстојниот викенд (5. октомври 2019 поради непредвидени новонастанати ситуации, почетокот на натпреварувачката сезона се одложува.
Да потсетиме, претходно е објавено дека згасна кошаркарскиот клуб АВ Охрид, повеќе можете да прочитате на следниот ЛИНК
Главна причина за оваа одлука на Донески се финансиите, тој не може сам да го спонзорира клубот откако нема ништо ветената помош од КФСМ, градот Охрид…
Бројот на клубови во Првата лига изнесува 10, прашање е дали ќе остане со тој број или лигата ќе има 12 како што се најавуваше досега од федерацијата.
Засега во најсилната конкуренција остануваат МЗТ Скопје Аеродром, потоа Академија ФМП, Еуро Никел 2005, Кожув, Вардар, Пелистер, Работнички, Гостивар, Куманово и МЗТ Скопје Аеродром АД.
Да потсетиме дека распоредот на натпревари од првото коло во најдобрата кошаркарска лига за сезоната 2019/2020 требаше да изгледа вака: Академија ФМП-Работнички, Еуро Никел 2005-Гостивар, Кожув-Охрид, МЗТ Скопје Аеродром АД-Куманово 2009 и Вардар-Пелистер