Нека биде полна сала: РК Вардар ја бара поддршката в сабота против Рајн Некар
Ракометниот клуб Вардар 1961 в сабота од 19.00 часот во СЦ „Јане Сандански“ ќе го игра првиот натпревар од квалификациите за ЕХФ Лига Европа против германскиот Рајн Некар.
Скопските „црвено-црни“ ја бараат поддршката од навивачите во обидот играчите на Владо Недановски да дојдат до поволен резултат пред реваншот кој ќе се игра на 3 септември.
Двократниот европски шампион посакува полни трибини како во старите добри денови: „Купи навреме билет за полна сала во сабота“.
Повеќе информации околу цените на влезниците на следниот линк ТУКА и преку продажната мрежа на Мктикетс.
Потсетување дека доколку Вардар 1961 успее да излезе како победник во двомечот со Германците, во новата сезона од ЕХФ Лига Европа ќе игра во групата „А“ со Нант (Франција), Кристијанштад (Шведска) и Бенфика (Португалија).