„Не попушта“: Принцот Чарлс нема намера да се сретне со Хари кога ќе пристигне во Лондон
Според британските медиуми, принцот Чарлс нема намера да се сретне со принцот Хари, кој треба да пристигне во Велика Британија кон крајот овој месец.
Имено, во моментот кога принцот Хари ќе слета во Лондон од Лос Анџелес за да присуствува на откривањето на новата статуа на неговата покојна мајка, принцеза Дијана, неговиот татко и идниот британски крал, принцот Чарлс, ќе биде далеку од Лондон.
Во пресрет на доаѓањето на неговиот син, како што пишува „The Sun“, принцот Чарлс ќе замине во неговиот шкотски имот во Балморал.
„Чарлс јасно стави до знаење дека нема намера да остане во Лондон… Tој рече дека оди во Шкотска и не е договорена официјална средба меѓу таткото и синот“, откри извор близок до британското кралско семејство.
36-годишниот принц Хари треба да пристигне на крајот на месецот, за да присуствува на откривањето на статуата на 1 јули – денот кога принцеза Дијана ќе наполнеше 60 години.
Истоимениот медиум исто така истакна дека кога ќе пристигне во Лондон, војводата од Сасекс мора да помине пет дена во карантин пред да се сретне со 39-годишниот принц Вилијам.
„Браќата ќе пристигнат заедно, само од почит кон нивната мајка“, открил изворот, додавајќи дека и двајцата принцови инсистирале на посебни говори. Тие размениле само неколку кратки пораки поврзани со организацијата на настанот.
Нивниот однос сè уште е комплициран, а постојаните медиумски појави на принцот Хари дополнително ја разгоруваат целата ситуација.
Дали принцот Хари ќе присуствува на откривањето на статуата на принцезата Дајана