НБА лигата соопшти дека на неодредено време ги откажа „лотаријата“ на која се одредуваше распоредот по кој екипите ќе избираат на драфтот, како и тестовите за физичките предиспозиции кои потенцијалните НБА играчи ги прават пред НБА драфтот.

Овој потег на НБА е очекуван бидејќи пандемијата на коронавирусот во САД не стивнува, а следен настан кој најверојатно ќе биде откажан е НБА драфтот.

Сепак, комесарот на НБА лигата, Адам Силвер, не се откажува од завршување на сезоната и веќе се разгледуваат неколку сценарија.

Засега НБА лигата најблиску е да донесе одлука завршницата да се игра во еден град, во Лас Вегас, а сите кошаркари би биле сместени во еден хотел „Resort International“. Исто така Силвер смета дека за да се продолжи сезоната потребни 15.000 тестови за ковид-19.

Комесарот на НБА лигата веќе одржат средба со сопствениците на сите 30 екипи кои дале начелна согласност за планот на Силвер, сезоната да се заврши со еден град, исто како и за идејата новата сезона да започне во декември.

– Доколку сезоната започне во декември, тоа не значи дека навивачите веднаш ќе се вратат на трибините. Нив ги очекуваме наредната година – изјавил неименуван член на бордот на НБА.