Во денот кога навивачите победуваат во битката со фудбалските моќници, и фановите на Манчестер јунајтед издвојуваа победа во „војната“ која ја водат неколку години и тоа со Ед Вудворд кого го сметаат за директен виновник што легендарниот менаџер сер Алекс Фергусон замина во пензија во 2013 година.
Вудворд поднесе оставка од позицијата извршен потпретседател на Манчестер јунајтед, функција која ја извршува од 2012 година. Според Би-Би-Си кој прв ја објави веста, Вудворд ќе си замине од Јунајтед по завршување на оваа сезона, но не е познато дали оставката е поради Суперлигата.

Manchester United executive vice-chairman Ed Woodward will stand down at the end of 2021.

More to follow ⤵#bbcfootball

— BBC Sport (@BBCSport) April 20, 2021

Оваа вест доаѓа во време кога фудбалскиот свет е потресен од одлуката на 12. екипи меѓу кои е и Манчестер јунајтед да формираат европска Суперлига.
Но, денеска Челси повлече нога по што истото го стори и Манчестер сити кои веќе започнаа да ја подготвуваат документацијата за излегување од Суперлигата.

Челси повлече нога, сега и шпанските Атлетико и Барселона се пред откажување, Мегваер и соиграчите го натераа и Јунајтед да ретерира

Ед Вудворд заедно со сопствениците на Јунајтед, американското семејство Глејзер, се најомразените личности кај навивачите на „црвените ѓаволи“ кои се во очекување до крајот на денот да издвојуваат уште една победа. Имено, медиумите во Англија известуваат дека и Јунајтед планира да ги следи чекорот на Челси и градскиот ривал и да се повлече од Супер лигата.

ВИДЕО: Навивачите победија, Челси се повлекува од Суперлигата

ВИДЕО | Стојмановски: Тешко дека ќе помине идејата за Супер лига, клубовите ќе водат војна со своите фанови и со владите

УЕФА ја добива војната со Суперлигата, и Ањели си замина од Јувентус