Антонио Бандерас овие денови поминува низ особено емотивен период. Познатиот актер од Малага не ја крие својата гордост и среќа затоа што неговата ќерка, Стела, наскоро ќе се омажи и тоа баш во Шпанија, неговата татковина.

„Да ја видам мојата ќерка како го започнува својот нов живот токму тука, меѓу нашите луѓе, е непроценливо за мене“, искрено призна познатиот актер.

Актерот Антонио Бандерас проговори за подготовките за свадбата на неговата ќерка и призна дека сè што некогаш сакал за својата Стела е да биде сакана и среќна. Призна дека е воодушевен од нејзиниот партнер.

„Нема ништо поубаво од тоа кога детето ќе избере да ги прослави важните моменти од својот живот токму таму каде што се вашите корени“, рече актерот.

Стела Бандерас се мажи за нејзината љубов од детството, Алекс Гружински, основач и извршен директор на НОВА, компанија која им помага во работата на креативните фриленсери.

Бандерас изјави дека е многу среќен што неговата миленичка го избрала Алекс за нејзин сопруг, кого го познавала уште од раното детство.

„Мојата ќерка Стела се мажи“, откри тој и продолжи: „Среќен сум затоа што навистина ми се допаѓа нејзиниот иден сопруг. Кога имаше три-четири години, доаѓаше кај нас да си играат, а се запознаа во градинка кога имаа две години.’

Тој навести дека веројатно нема да има гламурозна венчавка во холивудски стил.

„Сè што сакам за неа е да биде сакана, а тој многу ја сака. Тоа е единственото нешто што ми е важно. Ништо друго не ме интересира. Свадбата може да биде максимално скромна. И ќе видиме дали наскоро ќе ми подарат внуци! Најголемиот успех не е во наградите или славата, туку во моментите кога гледате среќа во очите на вашето дете. Поради ваквите денови, целата напорна работа и животните лекции навистина се исплатуваат“, вели Бандерас.