Најмалку 18 лица загинаа во бомбашки напад во преполн пазар во Багдад

Фото: twitter

Најмалку 18 лица загинаа денес, а десетици се повредени во преполн пазар во предградието на Багдад во силна експлозија на бомба, соопштија ирачките власти.

Нападот се случил на пазар во градот Садр, ден пред муслиманскиот празник Курбан Бајрам, кога многу луѓе купувале подароци и намирници.

Досега никој не презеде одговорност за нападот.

Слични напади во таа област претходно извршуваа екстремисти од Исламска држава.

Ирачкиот премиер Мустафа ал-Кадими нареди апсење на полициски командант во областа.

Денешниот напад е трет бомбашки напад на пазар во густо населениот дел на источен Багдад оваа година.

Видео на денот