Кога од фирмата за недвижнини во Мериленд во текот на новогодишната прослава минатиот викенд на вработените им врачиле црвени пликоа никој од нив не знаел што да очекува.

Кога сите 198 вработени од компанијата „St. John Properties” добиле изненадувачки бонус од 50.000 американски долари просечно, тоа било божиќно чудо кое не го очекувале. Вкупната сума на сите бонуси изнесувала околу 10 милиони долари.

„Кога го отворив пликото, не можев да верувам“ – рекла за Си-ен-ен Стефани Риџвеј, асистентка на шефот на проектите во компанијата. „Не можев да верувам што видов. Немам доволно зборови да опишам како се чувствував, беше навистина неверојатно. Сè уште сум во шок. Ова ми го смени животот“.

Претседателот на “St. John Properties”, Лоренс Мејкранц за Си-ен-ен изјавил дека фирмата ги постигнала своите главни цели и дека во тоа помогнале вработените па затоа сакале сите пријатно да ги изненадат и за нив да направат нешто големо.

Секој вработен примил износ базиран на бројот на годините на работење во таа компанија. Најмалиот износ изнесувал 100 долари, за штотуку вработените лица кои се уште не започнале да работат, додека најголемиот бонус изнесувал 270 илјади долари.

View this post on Instagram

It’s our honor to publicly announce that a $10 million bonus will be paid to all St. Johns Properties employees in celebration of achieving our goal of developing 20 million square feet of commercial real estate space! Each of our 198 employees will be paid a bonus based on years of service, with bonuses ranging from $100 to $270,000. We are thankful for every one of our employees and their hard work.

A post shared by St. John Properties, Inc. (@stjohnprop) on Dec 9, 2019 at 10:36am PST

„Тоа навистина беше една од најневеројатните работи за кои некогаш посведочив во животот. Сите беа преплавени со емоции. Врескаа, плачеа, се смееа и гушкаа“, изјави Мејкранц. „Луѓето се постројуваа да не гушкаат и бакнуваат, да се ракуваат со нас… Слушавме приказна по приказна за тоа на што ќе го потрошат бонусот. Луѓето сега се без долгови, ги отплатиле кредитите, школарините и студентските кредити“.

37-годишната Риџвеј, која во компанијата работи 14 години, вели дека бонусот ќе го искористи за школување на децата. „разгледувам некои можни инвестиции и некои надоградби за домот, но поголем дел од парите ќе отидат за иднината на моите деца“, изјави таа.

„Многу сме горди на нашите вработени. Тие се темел и причина за успехот на нашата компанија. Сакавме на голем начин да им се заблагодариме и мислам дека бевме успешни во тоа“, заклучи Мејкранц.