Нагелсман потврди: Мазрауи наскоро во дресот на Баерн
В сабота (14 мај) со почеток од 15.30 часот шампионот Баерн Минхен на гостински терен ќе игра против Волфсбург во последното 34 бундеслигашко коло.
Во редовите на баварскиот гигант поради црвен картон ќе недостасува Коман, повреден е Сар, а поради болест надвор од составот на Јулијан Нагелсман се, Марк Рока и Толисо.
Тренерот Нагелсман на прес конференцијата пред мечот со Волфсбург потврди дека Баерн е блиску да го реализира трансферот на Нусаир Мазрауи.
Станува збор за 24-годишниот марокански десен бек кој досега ги бранеше боите на холандскиот Ајакс.
– Блиску сме до завршување на договорот со Нусаир Мазрауи. Ќе бидеме навистина задоволни ако можеме да го ангажираме бидејќи тој е навистина добар играч. Тој за време на нашиот прв разговор рече дека би сакал да игра за Баерн – навистина е возбуден што се приклучува. Ваквите играчи ни се потребни – вели Нагелсман.
🗣️ @J__Nagelsmann 💬#MiaSanMia pic.twitter.com/202EMpO3P7
— FC Bayern Munich (@FCBayernEN) May 13, 2022