Началникот од Демир Хисар му бил роднина на актуелниот началник на СВР Битола
Началникот на ОВР Демир Хисар, Роберт Мартиноски, кој сакаше со носилка да ја носи на информативен разговор директорката на средното училиште во Демир Хисар, Маја Лозановска бил во роднински врски со актуелниот началник на СВР Битола, Сашо Мирчески и тоа било клучно за негово унапредување од страна на Министерот за внатрешни работи Панче Тошковски, тврди политичката партија Левица.
Препорачано
– Дека МВР е претворено во фамилијарно гнездо Левица во минатото алармираше, а сега и јавноста ги посведочи последиците од непотизмот кој го инсталира Тошковски. Уште еднаш потенцираме дека не е доволно само разрешување на партискиот началник, туку МВР мора да поднесе кривична пријава против Роберт Мартиноски за сторено кривично дело злоупотреба на службена положба и овластување. Фамилијарната блискост на Роберт Мартиноски со актуелниот началник на СВР Битола не смее да биде повод за амнестија на самоволието на партиските началници – се вели во соопштението на партијата.
Тие бараат началникот кривично да се гони. МВР соопшти дека тој е суспендиран и дека ќе биде разрешен.
