Бразилската фудбалска легенда Роберто Карлос бил хоспитализиран во Сао Паоло поради срцеви проблеми, по што морало и итно да му биде направен оперативен зафат. Интервенцијата, според информациите, траела околу три часа поради појавени компликации.

Поранешниот лев бек на бразилската репрезентација во моментов се наоѓа на болничко лекување, но е надвор од животна опасност, пренесува „Дејли Мејл“.

Срцевите проблеми кај Карлос биле откриени сосема случајно, за време на рутински лекарски преглед, по што докторите му соопштиле дека е неопходна итна операција.

Шпанскиот весник „АС“ наведува дека интервенцијата првично требало да трае околу 40 минути, но поради неочекувани компликации, легендарниот фудбалер поминал речиси три часа во операционата сала.

Преземено од: Спорт.ком.мк