МЗТ Скопје со успешен старт на првиот „балон“ во АБА2 лигата

МЗТ Скопје Аеродром забележа триумф над српскиот Младост Максбет/Фото: ABA League 2/Dragana Stjepanovic

Денеска составот на МЗТ Скопје Аеродром во првиот натпревар од првиот „балон“ кој се организира во Златибор во рамките од АБА2 лигата триумфираше против Младост Максбет со резултат 97:90.

Робев беше централна фигура во редовите на „металците“ на отворањето на новата сезона. Македонскиот репрезентативец постигна 30 поени, а одлична партија имаше и Црногорецот Милошевиќ со 20 поени (девет скокови).

На спротивната страна за српската екипа Белиќ доминираше со 23 поени (пет скокови), четири коша помалку запиша Американецот Ливингстон.

Вториот наш претставник во ова натпреварување, в среда од 15.00 часот својот прв настап ќе го има битолски Пелистер кој ќе се соочи со Ловќен.

Во второто коло МЗТ ќе ги одмери силите со Рогашка од Словенија на 15 октомври, а Пелистер ќе игра со црногорската Сутјеска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот