Мундобаскет: Чудесниот Милс ги „скроти“ и Литванците! (ВИДЕО)
Австралиските кошаркари беа подобри од Литванците со конечен резултат 87:82 (27:19, 25:22, 16:19, 19:22). И покрај подобрата игра во второто полувреме, Литванија немаше среќа во самиот финиш, па Пети Милс со тројка на 30 секунди до крајот на средбата го одлучи победникот.
„Кенгурите“ водеа од првата минута, а во еден момент имаат и 13 кошеви разлика. Со одличниот шут за три, Австралија го полнеше кошот на Литванците и со нивното „оружје“ ги фрлија на колена. Упорните Литванци во продолжението од средбата од минута во минута ја топеа позитивата и успеаја во средината од последната делница конечно и да поведат.
Patrick. Sammy. Mills.
Definition of clutch! ??
#LTUAUS #FIBAWC #AustraliaGotGame @Patty_Mills pic.twitter.com/zbNcua1prt
— Basketball World Cup (@FIBAWC) September 5, 2019
Се чинеше дека избраниците на Адомаитис успеаја да го свртат мечот во своја корист, но тоа на крајот не се случи. Нереализираните чисти позиции и погодени шутеви од полудистанца на спротивната страна на Австралијците, го решија победникот на овој дуел.
Во победничките редови за популарните „кенгури“ доминираше Милс забележа 23 поени, следен од Арон Бејнс со 21 поен (13 скокови). За европскиот претставник доминираа Мариус Григонис со 19 поени и Лукас Лекавичиус со 15 поени.
Претходно во стартниот меч од третото коло, Канада ја запиша првата победа на Мундонаскет 2019 против Сенегал (82:60).
